शकीला पठाण या औरंगाबाद मधील सिडको परिसरात राहणाऱ्या धडाडीच्या सामाजिक कार्यकर्त्या आहेत. त्यांनी आतापर्यंत अनेक सामाजिक कार्य केलेली आहेत. सामाजिक कार्याच्या माध्यमातून त्या महिला वर्गासह सर्व समाजात ओळखीच्या व लोकप्रिय आहेत. शकीला पठाण यांनी आतापर्यंत अनेक पदे भूषविली आहेत. यात औरंगाबाद ग्राहक उपभोक्ता संघटनेच्या जिल्हाध्यक्ष होत्या, पुरोगामी पत्रकार संघ महाराष्ट्र संचालित अन्याय अत्याचार समितीच्या मराठवाडा विभागीय अध्यक्षही होत्या. विशाखा समिती सेंट्रल रेल्वे लोहमार्ग पोलीस औरंगाबादच्या सदस्य होत्या. सहारा इंटरप्राईजेस औरंगाबादच्या चेअरमन सुद्धा होत्या. याशिवाय दैनिक जगमित्र औरंगाबादच्या विशेष प्रतिनिधी म्हणून त्यांनी पत्रकारिता क्षेत्रातही काम केलेले आहे. तसेच नागरी विकास भाऊ उद्देशीय सेवाभावी संस्थेच्या सचिव होत्या.